संघर्षातून विजयापर्यंतचा प्रवास : नवनिर्वाचित नगरसेविका सौ. अर्चना अमित जगताप यांचा आपले भारतीय संविधान देऊन गौरव

दिपसागर न्यूज ऑनलाईन पोर्टल सेवा:

कोंढवा प्रतिनिधी:- पुणे महानगरपालिका प्रभाग क्रमांक ४० कोंढवा–येवलेवाडी येथून अ गटामधून भरघोस मतांनी नगरसेवक निवडणुकीत विजयी ठरलेल्या नवनिर्वाचित नगरसेविका सौ. आयु अर्चना अमित जगताप यांचा आपले भारतीय संविधान भेट देऊन गौरव करण्यात आला. हा गौरव रिपब्लिकन परिवर्तन सेनेचे तसेच दिपसागर न्यूजचे संपादक मा. विजयसिंह गायकवाड आणि शिव-फुले- आंबेडकर चळवळीतील सक्षम सामाजिक कार्यकर्ते सतीश भाऊ साबळे यांच्या हस्ते संपन्न झाला.

नगरसेवक निवडणुकीतील यशाबद्दल विशेष सत्कार

हा गौरव सौ. अर्चना अमित जगताप यांच्या नगरसेवक निवडणुकीतील यशाबद्दल करण्यात आला असून, त्यांना पुढील सामाजिक व राजकीय वाटचालीसाठी शुभेच्छा देण्यात आल्या.

संविधान मूल्यांचा सन्मान आणि लोकशाहीची जपणूक
या प्रसंगी दलित चळवळीतील बौद्ध धर्माचे प्रचारक सचिन सोनवणे, पुणे महानगरपालिकेचे वरिष्ठ अधिकारी रामभाऊ आखाडे, मस्तान पठाण दगडे शेख आदी यांच्यासह विविध क्षेत्रातील मान्यवर मोठ्या संख्येने उपस्थित होते. संविधान भेट देऊन करण्यात आलेला हा गौरव लोकशाही मूल्ये, सामाजिक न्याय आणि समतेच्या विचारांना अधोरेखित करणारा ठरला.
अमित जगताप यांची निर्णायक भूमिका

या संपूर्ण निवडणूक प्रक्रियेत तसेच सामाजिक व राजकीय कार्यामध्ये सौ. अर्चना अमित जगताप यांचे पती श्री. अमित जगताप यांनी महत्त्वपूर्ण व निर्णायक भूमिका बजावली आहे.
निवडणूक नियोजन, जनसंपर्क, संघटनात्मक काम, नागरिकांच्या समस्या समजून घेणे, पाठपुरावा करणे तसेच विविध प्रश्नांवर प्रशासनाशी समन्वय साधण्याचे काम श्री. अमित जगताप यांनी सातत्याने पुढाकार घेऊन पाहिले आहे

स्थानिक प्रश्नांवर सखोल चर्चा

या सत्कारप्रसंगी कोंढवा–येवलेवाडी परिसरातील विविध सोसायट्यांमधील नागरिकांच्या मूलभूत गरजांवर सविस्तर चर्चा करण्यात आली. या चर्चांमध्येही श्री. अमित जगताप यांनी नागरिकांच्या समस्या मांडत ठोस भूमिका घेतली.

ज्येष्ठ नागरिक, पाणी, स्वच्छता आणि सुरक्षेचे प्रश्न केंद्रस्थानी

चर्चेदरम्यान ज्येष्ठ नागरिकांच्या समस्या, पाणीपुरवठ्याचा प्रश्न, स्वच्छता व्यवस्था, अंतर्गत रस्ते, ड्रेनेज, सुरक्षा तसेच सोसायटी सदस्यांना भेडसावणाऱ्या दैनंदिन अडचणी यावर विशेष भर देण्यात आला. या सर्व विषयांचा पाठपुरावा करण्याची जबाबदारी जगताप कुटुंबाकडून सामूहिकरीत्या पार पाडली जाईल, असा विश्वास व्यक्त करण्यात आला.

जनतेच्या ठाम कौलावर मिळालेला विजय

कोंढवा–येवलेवाडी प्रभाग क्रमांक ४० मधून भारतीय जनता पक्षाच्या अधिकृत उमेदवार म्हणून सौ. अर्चना अमित जगताप या जनतेच्या ठाम कौलावर आणि संघर्षाच्या बळावर नगरसेवक पदावर निवडून आल्या आहेत. या विजयामागे श्री. अमित जगताप यांनी केलेले सातत्यपूर्ण संघटनात्मक काम, जनसंपर्क आणि संघर्ष महत्त्वाचा ठरला आहे.

भाजपच्या विकासाभिमुख धोरणांना जनतेचा पाठिंबा

या निवडणुकीत पंतप्रधान मा. नरेंद्र मोदी, केंद्रीय गृहमंत्री मा. अमित शाह, भाजपचे राष्ट्रीय अध्यक्ष मा. जे. पी. नड्डा, उपमुख्यमंत्री मा. देवेंद्र फडणवीस तसेच विधान परिषद आमदार मा. योगेश आण्णा टिळेकर यांच्या मार्गदर्शनाखाली भारतीय जनता पक्षाने विकास, सुशासन आणि जनतेशी थेट संवाद यांचा संदेश प्रभावीपणे मांडला. त्यालाच कोंढवा–येवलेवाडी परिसरातील नागरिकांनी ठाम पाठिंबा दिला.

संघर्ष, प्रामाणिकपणा आणि सातत्यपूर्ण काम

सौ. अर्चना अमित जगताप यांच्या सामाजिक व राजकीय प्रवासात श्री. अमित जगताप यांनी प्रत्येक टप्प्यावर सक्रिय सहभाग घेतला आहे. पाणीपुरवठा, रस्ते, स्वच्छता, आरोग्य, महिला सक्षमीकरण व युवकांचे प्रश्न यावर त्यांनी प्रत्यक्ष काम करून जनतेचा विश्वास संपादन केला आहे.

जनसेवेलाच सर्वोच्च प्राधान्य

नगरसेवक पदाची जबाबदारी स्वीकारताना सौ. अर्चना अमित जगताप यांनी हे पद जनतेच्या सेवेसाठी असल्याचे स्पष्ट केले असून, या सेवाकार्यात श्री. अमित जगताप हे सतत सोबत राहून सर्व प्रश्न मार्गी लावतील, असा ठाम विश्वास नागरिकांनी व्यक्त केला आहे.
जनतेच्या विश्वासास पात्र ठरण्याचा निर्धार
या विजयाबद्दल सौ. अर्चना अमित जगताप यांनी सर्व मतदार, कार्यकर्ते, पदाधिकारी आणि भारतीय जनता पक्षाच्या वरिष्ठ नेतृत्वाचे आभार मानले असून, जगताप कुटुंब जनतेसोबत राहून काम करेल, अशी ग्वाही देण्यात आली आहे.